" Lie Over You " ကျွန်တော်တို့တစ်ယောက်နဲ့တစ်ယောက် မျက်နှာလွဲဲပြီး ဘယ်လောက်ကြာကြာနေနိင်မှာလဲ ကျွန်တော်တို့တစ်ယောက်ကိုတစ်ယောက်ချန်ထားပြီး ဘယ်လောက်ဝေးဝေးသွားကြမှာလဲ သတိရတိုင်းခင်ဗျားနာမည်လေးရေရွတ်ရင်းနဲ့ ကောင်းကင်မော့ကြည့်ရင်းစိတ်ဖြေရတာပါပဲ ကျွန်တော်ပြိုလဲပြီးတဲ့နောက် တွေးမိတာက ကျွန်တော်တို့တစ်ယောက်ကိုတစ်ယောက်လိုအပ်တယ်ဆိုတာ ဟုတ်ချင်မှဟုတ်မှာပါလို့ပေါ့လေ။ ညာနေတာများလားပေါ့။ အစကတည်းကညာပြီးချစ်ခဲ့ကြတာလား ချစ်ပြီးမှညာခဲ့ကြတာလားဆိုတာကတော့ ကာယကံရှင်ကျွန်တော်တို့နှစ်ယောက်သာသိနိင်ပါလိမ့်မယ်။ ဒါပေမဲ့ဘယ်သူမှတော့ဖြေစရာမလိုပါဘူးဗျာ ထပ်​ဖြေရင်ထပ်ညာနေကြရလိမ့်မယ်။ ထပ်ညာရင်ထပ်နာကျင်ကြရမှာကျွန်တော်တို့ကိုယ်တိုင်ပဲမလား ? လူ့ဘဝဆိုတာလည်းအခက်သား တစ်ခါတစ်လေကျပြဿနာဖြစ်လို့ဖြစ်နေမှန်းမသိအောင် သိမ်မွေ့​နေတာမျိုးရှိတယ် ဒုက္ခ​ရောက်လို့ကူကယ်ရာမဲ့နေတာတောင်မှ မသိစိတ်ကသာယာနေတာမျိုးရှိတယ် အဲ့လိုပြဇတ်ဆန်လာတဲ့ဘဝတွေကြား ဘဝဟာပြဇတ်မဆန်ဖို့အတွက်ရုန်းရင်းကန်ရင်းတိုးရင်းဝှေ့ရင်း ဘာကိုမှလွတ်ကျမသွားအောင်တိုက်တွန်းရင်းနဲ့ ဘုရားဟောသလို ဘယ်အရာမှမမြဲဘူးဆိုရင် ကိုယ့်အတ္တကိုယ်ပုံဖော်ထုဆစ်နေလို့ ဘာမှထူးမယ်မထင်ဘူး ခင်ဗျားပါမှဖြစ်မဲ့နေရာတွေထပ်သွားဖြစ်မယ်မထင်ဘူး ခင်ဗျားရှိမှဖြစ်မယ်ဆိုတဲ့အတွေးတွေထပ်တွေးဖြစ်မှာမဟုတ်ဘူး ၁၂ နာရီထက်ပိုညည့်နက်တဲ့ကျွန်တော့်ကမ္ဘာထဲကခင်ဗျားကိုထွက်ခွာခွင့်ပေးတာ ကျွန်တော်မှားမယ်မထင်ဘူး ဝေးကြတဲ့အခါ ဆုတောင်းကတော့ လွပ်မြောက်ခြင်းတရားမှာ အချုပ်အနှောင်ကင်းပါစေပေါ့ဗျာ " Pain "